گم نبشتہ کُت اَنت دل ءِ تاک ءَ
نکش اِت اَنت باتن ءَ چو روتاک ءَ
شپ چِراگاں ودار پرمائیت
روچ ناچیت مدام چو چالاک ءَ
کھبگیں دل چیا نہ بئے دارگ
مُپت ءَ پرچہ برے وتی واک ءَ
آ مدام ترانگانی بانور اِنت
آ منی سنگت اِنت گوں گویاک ءَ
ما گوں دنیا ءِ گاماں روگ ءَ ایں
دم نہ بُرتگ مئے جُھد ءِ اولاک ءَ
یات پیچ اَنت مدام در مُلک ءَ
زھیر کنت مردم پہ وتی ھاک ءَ
یک دمانے ءَ در نہ بیت سرباز
مئے ھیالانی گنجیں اوتاک ءَ
سرباز وپاؔ
