دستونک سرباز وپاؔ

 دستونک 

کوکار ءُ زار اِنت ھر گور ءَ 

ارسانی ھار اِنت ھر گور ءَ

ماتے گوں درداں تلوسیت

بچے  گار اِنت  ھر گور  ءَ 

پہ براتے ءِ شوھازگ ءَ 

دردیگ گھار اِنت ھر گور ءَ

آئید ءَ جنکے پہ پت ءَ 

داھم ودار اِنت ھر گور ءَ 

ھرجاہ یزیدی لشکر ءِ 

بچے شکار اِنت ھر گور ءَ

داھم ماتیں سرڈگار 

ھوناں سگار اِنت ھر گور ءَ

دُژمن ھرچی کرت کنت

آ بے مھار اِنت ھر گور ءَ 

ما گوں چشین درداں وپا 

ھر روچ دچار اِنت ھر گور ءَ 

   سرباز وپاؔ