نہ بُرتگ من دل ءَ انگت
وتی پُلیں شھیداناں
من ءَ در مُلک ءَ چے داتگ ،
ابیدے درد ءُ اندوھاں
من ءَ را یات پیچان اَنت
من ءَ را درد سوچان اَنت
من ءَ ہرشپ گلشیرجان
چہ واب ءَ پاد کنت کندیت
پد ءَ اُورنگ بچکندیت ۔
مھیم جان لیب کنت گومن
راشد جان چاریت ءُ شینزاریت
ناکو ھیربکش شاکاریت
الی جان گپ ءُ دیوان اِنت
مجاھد یات کیت دائم
اللہ بکش شَیر واناں اِنت
من ءَ لال جان سک دوست اَت
نیاں بے ھال چہ الیاس ءَ
ءُ رازک جان ءِ ٹھکاں من
کُمار جان ءَ کتاب گون اَنت
من ءَ نیم چمی ءَ چاریت
شھباز جان لھم لھم ءَ کندانیں
من ءَ را جُست کنت چون ئے
سلیم ءِ گپ ھمیش اَت بس
وپا تو بْوان ڑے شیرے
ھکیم جان پُر سلاہ اِنت کیت
مدام دیوان کنت گومن
داد مھمد بے ترا ھنچو
مرچان سک ملوراں من
سکندر لھم لھم ءَ کیت
منی راستیں کش ءَ نندیت
وتن دیوانگیں آزاد
مدام ءَ شَیر گُشان ءَ کیت
پدا منسپ مزار بیمیں
بروتاں چنگ کنت گردیت
فدا جان زوریت ھمبازاں
من ءَ دنت اِیں تسلّاھے
من ءَ زوراں مدام ترانگ
مجید جان ءِ
جاوید جان سک ملوریں کیت
ڈیھ ءِ کِسُھاں کاریت ۔
ناجد گوں ھِنّی ئیں دستاں
پہ ڈیھ ءَ بوت دوبر سالونک
یلیں دودا شموشگ تو نہ بہ ئے ھچبر
من ءَ را یاد اَنت یک یک ءَ
وتی بیل ءُ وتی ھمبل
من مرچاں آجز ءُ پیراں
من ءَ مولم مدام زوراں
من ءَ درمُلک ءَ چے داتگ
ابیدے درد ءُ اندوھاں
