سمو جنکے سرپدیں ۔ سرباز وپاؔ

 سمّو جنکے سرپدیں 

  لچھ سرباز وپاؔ

سمّو جنکے سرپدیں

سمّو نہ جیڑیت ھچ دل ءَ

ارساں نہ ریچیت گوھریں

سمّو پھر ءُ شان کنت

سمّو جنگ ءَ سرپد اِنت

سمّو زمین ءِ وارس اِنت

سمّو زانت اِنت گلزمین

ھون لوٹیت موکگ ءَ

سمّو زانت اِنت یاگی ایں

مرد پہ زمین ءَ ندر بنت

سمّو گوھار اِنت بانڑی

سمّو یاسمین ءِ جنک

سمّو دودا ءِ میار

سمّو بالاچ ءِ گوھار

آ پہ زمین ءَ درد وار

سمّو جنک اِنت اکبر ئے

آ زھم جنیں میر کمبر ئے

ءُ کلمت ءِ میر ھمل ئے

سمّو نہ کنت کمزور دل ءَ

وتی ھمت ءُ وتی توکل ءَ

سمّو شھید ءِ پُشپد اِنت

سمّو شھید ءِ پُشپد اِنت