دستونک سرباز وپاؔ

گم جتیں دردے زھیری زیمرے

 باتن ءَ روک اِنت یک آس ءُ انگرے 

 سوچگ ءَ اِنت دائم ءَ تبد ءُ لیوار

 کد بہ گواریت پہ بلوچ ءَ جمبرے

 مئے ھمک گال ءَ توئے ماتیں وتن

 پہ ترا شید ءَ گنوک اِنت شائرے 

 دائم ءَ مارا ھمے ھال اِنت رسیت 

پہ وتن بوتگ شھید یک کُنگرے

 سرجمین راج ءَ مئے یکجاگہ بکن

مارا لوٹیت ھنچین راجی رھبرے

 جنگ یکے گوں لگوریں دُژمن ءَ 

 ہر کس ءَ بستگ جتا یک سنگرے 

 ما وپا ھنچیں دچاریں جاوراں 

 مارا اَئیدے ھست نہ پرسی پترے

 div class="separator" style="clear: both;">