تو منی دیم ءَ ایرے چو کتاب ءَ زندگی
من ترا چارتہ ءُ ونتگ ھر ھساب ءَ زندگی
تو برے وشی داتگ ، ءُ برے گم بکش اِتگ
تو من ءَ چرّینتگے چو آسیاب ءَ زندگی
ھر دمان ءَ پیشدارے نوکیں رنگ ءُ دْروشمے
پمّن ءَ انگت نہ سْرپے چو گلاب ءَ زندگی
من وتی رودپتر ءَ بس گم نبیساں پہ ترا
ایرکپاں وھدے تئی من پیچ ءُ تاب ءَ زندگی
چو بلوچ راجی شھیداں ءُ منی بیل ءُ یلاں
مئے وپاؔ ندْر بات پہ اِنکلاب ءَ زندگی
سرباز وپاؔ
