 |
تو بلوچ ءِ گیرت ءُ شان اے وتن
پہ ترا مئے ساہ کربان اے وتن
زندگی بے تو چکار ءَ کیت منی
بیت منارا درد ءُ ارمان اے وتن
تو کہ چاریں موسماں سبزے مدام
گودر ءَ چہ دانکہ بولان اے وتن
پگر جُنزاں اِنت ڈاکٹر خالد ءِ
جنگ داشتگ انگہ دلجان اے وتن
پہ تئی آجوئیءَ ماس یاسمین
دات پہ تو پُھلیں ریھان اے وتن
واب بُرتگ سرمچاراں دُژمن ءِ
پروش داتگ میزان میزان اے وتن
اچ ترا سرباز کجا بے ھال بیت
تو وپائِے دین ءُ ایمان اے وتن
