روچ ءُ شپاں سھت ءُ دمان ءَ زندگ باں
مَرگ ءَ پد کلیں جھان ءَ زندگ باں
بھت ءُ نسیب ءَ جند ءِ دست ءَ کار گِراں
کرد ءِ واھُند پہ مڑاہ ءُ شان ءَ زندگ باں
ندْر پہ زمین ءَ ، ءُ پہ راج ءِ باندات ءَ
مرد مزاریں چو کہ ریھان ءَ زندگ باں
گالاں گچین کن، گال ءَ کما چو آیات ءَ
گال تئی چو پاکیں کُران ءَ زندگ باں
یا ربّ بہ رکین مارا اَچ باجوئی ءَ
نا مرد دائم ءَ پہ شِگان ءَ زندگ باں
ما پہ شیدا مِسکیں ھاک ءِ وشبو ءَ
ما نوں کُجا پہ زُلپ ءِ نِوان ءَ زندگ باں
دُژمن مارا تو چِہ پیم ءَ کُشت کن ئے؟
راج ءِ وتی ما پِگر ءُ گُمان ءَ زندگ باں
شائر مان اَنت ، شائر نمیران بنت وپاؔ
شائر مُدام پہ شھدیں زُبان ءَ زندگ باں
4 اپریل 2021
