ھمّل پتھ ءَ ھمّل جیھند ءِ نام نوک کرت
نبشتہ کار, سرباز وپا
شمبے ءِ روچ ءَ سر مشود براتانی گھار
شمبے پہ برات ءَ شوم اِنت ءُ شاھزدہ پہ پت ءَ
شمبے ءِ روچ ءَ حمل ءَ شاگے نول کتہ
حمل ماں شاگ ءَ شاگ بہ ماں سبزیں ساوڑ ءَ
راجانی تہ ءَ لھتیں انچیں کرد بنت، آ چو کوہ ءَ مک بنت ءُ ھچ وڑ ءَ ایرموش کنگ نہ بنت، شرّیں کرد ءُ کربانی وتی واھند ءَ راج ءِ تہ ءَ زندگ داریت، راج چہ شَرّیں کردانی واھند ءَ کدی بے ھیال نہ بیت، شَرّیں کردانی واھند نمیران بنت.
باز رَند ءَ من مردمانی دپ ءَ ھمے اِش کتگ گش اَنت ھمّل جیھند مڑایانی، اگاں ھمّل جیھند ءِ نام گوں سپتاں گرگ بیت، ھمے ھاتر ءَ ھمّل جیھند ءَ پہ مڑا وتی ساہ ءُ سر ندر کرتگ اَنت ءُ ابدمان اِنت ۔
ھمّل جیھند بلوچستان تیاب دپ کلمت ءَ سردار جیھند ءِ لوگ ءَ ودی بیت ، ھمّل جیھند یک سردارے بیت، اے ھما ھمّل ءِ داستان اِنت کہ چہ ھمّل جیھند ءَ زانگ بیت، پہ بلوچ راج ءِ نیل بومیں زر ءِ کوزہ کنگ ءُ پہ بلوچ راج ءِ لُٹ ءُ پُل ءَ پُرتگیزی لانک بند اَنت ءُ کاییت چہ تیاب دپ کلمت ءَ یک جْوانمردے ھمّل جیھند گوں پُرتگیزاں جنگ کنت ءُ وتی راج ءِ لُٹ ءَ پُل ءَ وش نہ بیت، گوں پُرتگیزیاں جنگ کنت ءُ آیانی منّگ ءَ ھچ وڑ ءَ تیار نہ بیت ۔
راجانی تہ ءَ راجدپتر ءِ پھازوک اَلّم شائر بنت، راجی جْوانمردانی کسھاں کار اَنت ،ما چہ شائرانی زبانءَ اِش کتگ کہ شائر گش اَنت وھدے کہ ھمّل جیھند بوجیگ ءَ سوار بیت گوں بدواھاں پُرتگیزی لشکر ءَ گوں دوچار کَپ اِیت داں وتی گڈی وس ءُ واک جنگ کنت ،کھول ء شائرانی ءَ آئی ءِ دست ءِ زھم پْرش اِیت ءُ تپرے زور اِیت جنگ دنت، آئی تپر ماں بوجیگ ءِ داراں مان اڑیت ءُ ھمّل دستگیر کنگ بیت، پُرتگیز گَل ءَ بال بنت کہ ما ھمّل جیھند دستگیر کتگ، شائر گش اَنت کہ ھمّل جیھند ءَ ھر وڑیں لب ءُ ملام پیش کنگ بیت، بلے ھمّل جیھند پہ وتی نیل بومیں زِر ءُ بلوچ راج ءِ ھاتر ءَ لب ءُ ملام نہ زور اِیت ءُ ھمے گش ایت منی جنگ پہ لب ءُ ملام ءَ نہ اِنت، منی جنگ پہ بلوچ راج ءِ سر ءَ بُؤکیں زلم ءُ زوراکی ھِلاپ ءَ بُوَگ ءَ اِنت ،ھمّل جیھند چہ پُرتگیزانی دستگیری ءَ پد آئی ءِ ھچ وڑیں سوج ءُ سر نہ بیت۔ نیل بومیں زِر ءُ بلوچ راج چہ پُرتگیزانی زوراکی ءَ رَکیت، بلوچ راج چہ پُرتکیزاں آجو بیت.
بیست ءُ یکّمی کرن ءِ تہ ءَ پد ءَ بلوچ وتن یک گیرتمندیں ھمّلے پہ نیل بومیں زِر ءُ پہ بلوچ راج ءِ چہ پاکستان ءِ زوراکیانی رکینگ ءِ ھاتر ءَ ودی کنت ءُ آئی تہ ءَ بلوچی گیرت ءُ جزبگ پہ وتن دوستی ءَ ودی بیت ءُ مجبور کنت ۔ آئی ءِ نام ھمّل جیھند بیت ءُ ایشی ءِ نام ھمّل پَتھ اِنت، اے ھمّل پَتھ ءَ دوبر ھمّل جیھند یات تازگ کُت، ھمّل پَتھ ھمے نیل بومیں زِر ءِ نزیک ءَ ماں کیچ ءَ نودز ءَ ودی بیت ،ھمّل پَتھ پاکستان ءِ زوراکیاں گند اِیت ،اے ھبر ھمّل پَتھ ءَ شات نہ بیت، پاکستان ءِ کوزہ کنگ ءُ بلوچ راج ءِ سر ءَ زوراکی ءَ ھمّل پَتھ ءَ بے کساس توریت گون بلوچ راجی جھدکاراں ھَوار بیت ءُ وتی جنگ ءَ بندات کنت ۔
ناشرکاریں پاکستان گوں چین ءَ بلوچ راج ءِ نیل بومیں زِر ءُ مڈیانی سودا ءَ جنت ، بلوچ راج ساری ءَ گوں پاکستان ءِ کوزہ کنگ ءِ ھاتر ءَ جنگ کنگ ءَ اِنت ،بلوچ راج ءِ جھدکار چین ءَ ھمے گش اَنت ،اگاں کسے گوں پاکستان ءَ ھمدست بہ بیت، پہ بلوچ ءِ مڈیانی سودا ءَ بِجَنت، بلوچ راج ھچ وڑ ءَ رازی نہ بیت، الّم بلوچ راج مجبور بیت کہ گوں آئی ءَ دُژمن ءِ رنگ ءَ پیش بئیت کہ تو سرپد بُبو کہ اے سرڈگار بے وارس نہ اِنت، نہ بلوچستان پاکستان ءِ بھرے، بلوچ گوں پاکستان ءَ جنگ کنگ ءَ اِنت ،ھرکس گوں پاکستان ءَ بلوچ ءِ مَڈیانی بَرگ ءَ ھمدست بوت گُڑا آ اِد ءَ سوب نہ گند اِیت، ابید چہ تاوان ءَ ،بلوچ راج ءِ بازیں رھشون چین ءَرا ھمے گش اَنت کہ تو وت چہ چیر جنگی ( گوریلا ) ءَ گوستگ ئے، ترا مئے جنگ سرپد بُوَگی اِنت ۔
چینی اھمک اے گپ ءَ سرپد نہ بیت ءُ گوں پاکستان ءَ بلوچ مَڈیانی بَرگ ءِ ھاتر ءَ ھمدست بیت ءُ بلوچ ءِ جنگ ءَ ارزشت نہ دنت ۔
شھید راجی رھشون جنرل استاد اسلم بلوچ ھمے جیڑیت کہ مرچان مئے راج دو زوراک ءِ گلام اِنت، یکّے پاکستان ءُ دومی چین اِنت. ایشانی کمزور کنوک پدائی اِنت، شھید جنرل استاد اسلم بلوچ مجید برگیڈ ءِ نام ءَ یک گَلے ( تنظیم ) ءِ ٹھین اِیت ءُ پہ اولی کار ءِ ھاتر ءَ آئی زھگ ریھان جان تیار بیت، گڑا ھمے مجید برگیڈ ءِ کاروان ءَ دیم ءَ برگ ءَ بلوچ راج ءِ نہ ترسیں پُسگ تیار بوان بنت، ھمے مجید برگیڈ ءِ دومی کار ءَ پہ ھمّل پَتھ اوں تیار بیت ۔
مجید برگیڈ ءِ کاروان ھما کاروان اِنت اگاں کجام گل ( تنظیم ) ءِ جھدکار بہ لوٹیت ھوار بوت کنت ۔ شھید ھمّل پَتھ بلوچ راج ءِ جھدکارے بوتگ، بگند ئے چہ آئی ءِ پدائی ءَ پیسر کس ءَ اے وڑ نہ زانتگ ،مرچی آئی ءِ کرد ءَ تیوگیں دگنیا ءِ تہ ءَ آئی ءِ نام زندگ کرتگ، بلے منی جند ءَ ھمّل پَتھ ءَ را ساری ءَ نہ زانتگ ءُ نہ آئی ءِ نام اِش کتگ ،چہ آئی کربانی ءَ پد آ وت چو کوہ ءِ وڑ ءَ مک اِنت ءُ پدر اِنت چہ سنگتانی جست ءُ پد ءَ من ءَ ھمے مالوم بوت کہ ھمّل پَتھ کیچ ءِ جاہ منندے، پنچ سال بیت بلوچ آجوئی جنگ ءِ کاروان ءَ گون اِنت ءُ آئی ءِ اُمر کِساس بیست ءُ دو سال اِنت۔
سنگتے آئی ءِ تران پمن ءَ دیم دات اَنت ( وائس نوٹ ) من اِش کُت آں، سنگت ءَ ھمے گشت کہ آئی ءِ گڈی تران اَنت کہ دیم ءِ داتگ اَنت، ھمے گشگ ءَ اَت گون کندگ ءَ ھاھاھاھا گشیت کہ آ ( چینی ) وتی باندات ءَ چارگ ءَ اَت، تو وتی باندات ءَ پچار، تئی راج ءِ باندات اے وڑ بیت، تو وتی دیم ءِ باندات ءَ نہ جیڑ ئے،ھاں بس گش ئے ھمیش اِنت برابر اِنت، سبزیں اے سبزی ءِ پشت ءِ راز ءَ پٹ ترا آ جاگہ ندنت کہ تو چو بِہ بے، متلب ( چینی گشان تو مئے وڑ ءَ ببے ) اے وَِ زاھریں گپّے کہ پد ءَ ترا نیل ایت کہ یک لک ءُچیزے چینی پد ءَکیت ءُ اِد ءَ آباد بیت ءُ آئی ءِ رازی نام ءَ (اگریمنٹ ) ءِ تہ ءَ مان اِنت، متلب گوادر ءِ زمین ءُ چیز کل چینی ءِ دست ءَ بنت، آئی ءَ گوں پاکستان ءَ ھچ واستہ نیست ،آ کسے ءَ را وتی توک ءَ نیل ایت ءُ کلاں بلوچاں چہ اِد ءَ کَش اِیت، نیکہ تئی دریا ورد اِد ءَ بنت، نیکہ تئی مھلوک وتی ھساب ءِ تہ ءَ بنت، تئی کل رد آں ( Reject ) آ ھماوڑ دیم ءَ روت ءُ ھماوڑ کن، ھما مزدوراں چیزے کلیت متلب ھاسیں ھاسیں مردماں. ھاں مئے مھلوک وتی دل ءَ بشودی اِد ءِ زمین مھلوک ءَ مردمانی کِرّ ءَ وتی وھداں بھا کتگ اَنت،زمین کہ تئی ملک ءِ بھا بوت گپ ھتم ، گڈ سر ءَ گشیت، پاد ءَ راستی اِنت اگاں دل رازی انت۔ ( متلب پدائی انت ) گوں ھمے گپ ءَ وتی گپاں ھلاس کنت ۔
چہ ھمّل پَتھ ءِ شھیدی ءَ پد من ءَ ھال رس اِت کہ ھمّل جان ءَ پنچ سال بیت گوں راجی جُھد ءَ بندوک بوتگ ، ھمّل پَتھ ءَ وتی پارٹی ءِ ھر زمہ واری گوں شَرّیں وڑے ءَ پورا کرتگ اَنت، ھمّل پّتھ یک زانتکار ءُ سر پدیں جھد کارے اَت، ھمّل پّتھ ءَ ھمے جیڑ اِت کہ من ءَ پہ وتن ءِ ھاتر ءَ پدائی کنگ لوٹ اِیت ،گڑا ھمّل پتھ پہ گلزمین ءِ موکگ ءُ نیل بومیں زِر ءِ پھازگ ءَ پہ پدائی ءَ تیار بیت.
ھمّل پَتھ گوں اسد بلوچ ، منسب بلوچ ، کچکول بلوچ ءَ ھوار پہ نیل بومیں زِر ءِ پہ ڈنی ءُ کوزہ گیراں پہ پاکستان ءِ سرپد کنگ ءِ ھاتر ءَ دْراہ اِت ءُ پہ پدائی ءَ تیار بوت 11 سوچکان ( مئی ) ءَ گنجیں گوادر ءِ پی سی ھوٹل اِش کوزہ کرت ۔
داں بیست ءُ چار ساھت ءَ جنگ اِش داشت، سرجمیں دگنیا ءَ را ھمے کلوہ اِش دات کہ اے گلزمین بے وارس نہ اِنت ،پاکستان ءَ چہ وتی بے سوبی ءَ ھمے دروگ بندی بندات کرت کہ اے ھما ھمّل اِنت کہ بیگواہ بوتگ، پاکستان ءِ کلیں پندلاں بلوچ راج ءُ دگنیا سرپد اِنت، پہ دگنیا ءِ دیم ءَ ملامتی ءَ اے ھبراں کنت.
چہ ھمے جنگ ءَ نیل بومیں زِر ءِ چول پہ شاتکامی چول جنان اَنت، شھیدانی کربانیاں بلوچ راج ءَ را نوکیں نامے بکش اِت ھمّل پَتھ ءَ ھمّل جیھند ءِ نام دوبر نوک کت ۔
