دستونک سرباز وپاؔ

ھمک راجدپتر ءَ  اے تْران مان اِنت

گْوشاں جنگ ءَ نپ ءُ تاوان مان اِنت

نہ بارت بدواہ کدی باج ءَ بلوچ ءَ

منی ڈیھ ءَ پہ وت پاسبان مان اِنت

کناں یات دائم ءَ راجی شھیداں 

دل ءِ ھر رگ رگ ءَ ارمان مان اِنت

بلوچ ءِ جنگ برجاہ اِنت پہ شانے 

مئے کاروان ءَ یلیں ریھان مان اِنت

منی راج ءِ راجی دُودمان ءَ 

بلوچی گیرت ءُ شان مان اِنت

مڑاں من دُژمن ءَ گوں گُڈّی تیر ءَ 

بلوچ ءِ  پُسّگاں ایمان مان اِنت

ھمک شئیر ءَ تئی واناں من سرباز

وتن  ماتیں  بلوچستان مان اِنت

       سرباز وپاؔ