سلھیں دستونک سرباز وپاؔ

سلھیں دستونک 

سرباز وپاؔ

موسمے گاماں بہ زوریت پمّن ءَ

آئی ءَ من  پُلے  سوگاتی دے آں 

شپ رواجاں گوں وتی ملمہ بیت

روچ کرپاسیں ھیالاں لیب کنت

اوست بال اِنت آزمان ءِ نیمگ ءَ 

گلزمین اچ بھشت ءَ کم نہ اِنت 

چم ودار ءِ دامن ءَ ڈک داتگ اَنت

واھگ ءِ باریں مساپر بیت کدی 

کینگ ءِ آس ءَ سُچان اِنت دائم ءَ

دل وتی جند ءِ مروچاں دُژمن اِنت

رولھانی یات نکش اَنت باتن ءَ

چم بے چاڑ اَنت ھما پہ ساھت ءَ